Friday, September 8, 2017

ಒಗಟುಗಳು

ಚಿಕ್ಕವನು ಒಬ್ಬನಿಗೆ ಬಡಿಸುವಷ್ಟರಲ್ಲಿ ದೊಡ್ಡವನು ಹನ್ನೆರಡು ಮಂದಿಗೆ ಬಡಿಸಿರ್ತಾನೆ
                                                                                                            - ಗಡಿಯಾರ

ನೀರಿನಲ್ಲಿ ಹಾಕಿದರೆ ಮುಳುಗುವುದಿಲ್ಲ ! ಬೆಂಕಿಯಲ್ಲಿ ಸುಡುವುದಿಲ್ಲ , ಕಲ್ಲಲ್ಲ ! ಇದು ಇಲ್ಲದವರಿಲ್ಲ
                                                                                                                             - ನೆರಳು

ಒಂದು ಸುಣ್ಣದ ಗೋಡೆಗೆ , ಒಂದೂ ಬಾಗಿಲಿಲ್ಲ
                                                        - ಕೋಳಿ ಮೊಟ್ಟೆ

ಅಪ್ಪಾಂದ್ರೆ ಹೊಡಿತದೆ , ಅವ್ವಾಂದ್ರೆ ಹೊಡಿದಿಲ್ಲ
                                                           - ತುಟಿಗಳು

ಹೊಕ್ಕುವಾಗ ಒಂದು ಹೊರಟಾಗ ನೂರು
                                                     - ಶ್ಯಾವಿಗೆ

ಊರುಂಟು ಜನರಿಲ್ಲ ! ನದಿಯುಂಟು ನೀರಿಲ್ಲ ! ರಸ್ತೆಯುಂಟು ವಾಹನವಿಲ್ಲ ! ಹಾಗಾದರೆ ನಾನ್ಯಾರು ?
                                                                                                                               - ಭೂಪಟ

ಹಾರಿದರೆ ಹನುಮಂತ, ಕೂತರೆ ಮುನಿ, ಕೂಗಿದರೆ ಕಾಡಿನ ಒಡೆಯ
                                                                                          -ಕಪ್ಪೆ

ಒಂದು ಕಾಲಿನ ಪಕ್ಷಿಗೆ ಒಂಭತ್ತು ರೆಕ್ಕೆ, ಒಂದೇ ಕಾಲಲಿ ನಿಂತು ನೂರಾರು ಮೊಟ್ಟೆ ಇಡುತ್ತದೆ
                                                                                                                     -ಜೋಳದ ದಂಟು

ಅಂಕಡೊಂಕಿನ ಬಾವಿ ಹೊಕ್ಕು ನೋಡಿದ್ರೆ ಮುಕ್ಕ ನೀರಿಲ್ಲ
                                                                            -ಕಿವಿ

ಹಾರುವುದು ಹಕ್ಕಿಯಲ್ಲ, ಕೊಂಬು ಉಂಟು ಗೂಳಿಯಲ್ಲ, ಬಾಲ ಉಂಟು ಕೋತಿಯಲ್ಲ
                                                                                                            - ಗಾಳಿಪಟ.

No comments:

Post a Comment